An der Theke,drinn beim Wirt,

steht da Sepp und konsumiert,

er trinkt und schnapslt schon a Zeit,

verliert schö kloa de Standfestigkeit,

jo drum is nochat(nachher) ah passiert,

daß er des Gleichg´wicht verliert.

Wia er sich stolpat - und don foit(fällt)

da fliagt der Kerl, mit oller G´woit (Gewalt)(voller Wucht)

auft die Kant´n hin, vom Tisch,

zérst schnappt er grod  als wia Fisch,

hot´s Hirn aug´haut und an mord´s Dübl.(riesige Beule)

da wird´s eahm gleih drauf schlecht und übel,

er hot de Besinnung donn verlor´n,

hiatz is des Rot-Kreuz verständigt woarn.

De sehgn,das sich da Sepp ned rüaht(nicht bewegt)

hiatz hams´n ins Spital eig´führt,

dort hams ah glei an Doktor g´schrian,

er muaß den Monn da visitiern.

Was da donn g´schehn is , des müaßts wissen,

de Sanitäter hätt´s boid z´rissn,

den wia da Arzt zum Sepp her kimmt,

sein Hondg´lenk  zum Pulsfühl´n nimmt,

da rennt der Damische in d´Höh,

und schreit, in seinem Dulije,

zum Arzt, im Wortezimmer drinn

" Herr Ober, bitte noch zwei Gin !`"

*glg*

und einen schönen Abend

wünscht

isi

Kategorie: Allgemein | 7 Kommentar(e)