Mundartgschichtl

Es gibt jo in der heutig`n Zeit.

wirklich so vie Möglichheit.

dass sich  a Frau oda a Mann

den richtigen Partner find´n kann,

da Franz ,hat sich amoi auf d´Nacht,

a´h glei´h auf partnersuche g´macht.

Net beim Wirt, ah ned beim Taanz,

na,na, da Scheiblmaier Franz der woaß, des is heut nimmer "in" ,

drum sucht er im Coputer drinn.

Im Internet,- des hater neu

und da versuacht er´s donn ah glei´h,

er gibt  de Dat´n ein von eahm,

beschreibt sich, groß,fesch,jung, modern,

er suacht a Frau, der gang´s net schlecht,

und schreibt , was er  sich wünscht und so möcht.

A weibliches Wesen , als Kamerad,

die Eleganz und Würde hat,

die schreitet - und ned rennt und lauft,

ned , s´Geld vergwandt und Schmuck einkauft.

Die gern an Fisch ißt - so wia er,

die Berg ned mag, doch dafür, s´Meer.

Die recht gern bad´t, schwimmt jeden Tag,

die Gruppenaktivität gern mag

und außerdem, bildet er sich´s  ein

Sie soll a noh kloa und niedlich sein.

A  solche find´n is sicha schwaa

Und an Computer, fuxt des ah

doch endlich hot er s´Resultat,

des er auf Wunsch ermittelt hat,

in sin Bildschirm steht groß drinn:

" Heirate einen Pinguin!"

von

Mundartdichterin

Frieda Weilbuchner /Ostermiething/OÖ

Kategorie: Allgemein | 11 Kommentar(e)