von fischli47 » 27.01.2012, 8:22
Ein Liebesgedicht von anno 1990
Es Wunder
Es Wunder isch hüt g’scheh’
ich chann’ das nöd verschtah’
e schön’ri Fee git’s nienemeh
und grad die möcht’ ich haa
Mir isch’s, als würd’ ich träume
es gaht mir himmlisch guet
e jungi Saat tuet keime,
in mir flüsst frisches Bluet
Ich bin so zwäg und zfride
und d’Zyt vergaht im Flug
jetzt mues ich nümme liide
chan g’nüsse, Zug um Zug
Was isch das für es Mittel,
wo das bewirke tuet
und mir zu drü’ne Drittel
Chraft git und Läbesmuet ?
Die Antwort isch ganz eifach,
s’isch d’Liebi im Quadrat –
nöd selbstverständlich isch die Sach
wo mich uufläbe laht
Du, xx, Du bisch s’Wunder
wo hüt a mir isch g’scheh
Du mach’sch mich wieder munter
und glücklich – wirsch es g’seh !
Na nie bin ich vo Härze
zu so vill Liebi choo,
vergliichbar mit ’re Cherze
wo lüüchtet, still und froh
D’rum wott ich Dich la g’schpüüre
was ich empfinde chaa
und öffne d’Härzenstüre
um Dich da ine z’lah
Säg – wämmer’s zäme waage ?
so gib mir Dini Hand,
denn jammere und chlage
hört uuf im Liebesland
Chum Lieb’s, mir tüend’s probiere
es wird bestimmt guet gah
na vill isch z’repariere
und das gilt’s dure z’stah
Spätherbst 1990 / fischli
